2026 жылғы 1 сәуір күні облыстық мәслихаттың кезекті сессиясында өңірдің қоғамдық-саяси өміріне белсене араласып, ел дамуына қосқан үлесі үшін бірқатар азаматтарға жоғары марапаттар табысталды.

Салтанатты жиын барысында Қазақстан Республикасы Президентінің Алғыс хаты Ербол Қарашөкеев тарапынан Құлбарақ Сәмен Оразғалиұлына табысталды. Марапат иесінің еңбегі ерекше аталып, оның кәсіби қызметі мен қоғамдық белсенділігі жоғары бағаланды.

Іс-шараға мәслихат депутаттары, мемлекеттік органдардың өкілдері мен қоғам белсенділері қатысып, марапат иесіне ізгі тілектерін білдірді. Жиын барысында өңірдің әлеуметтік-экономикалық дамуы, алдағы жоспарлар мен маңызды мәселелер де талқыланды.

Президенттің Алғыс хатын алу – үлкен жауапкершілік пен сенім. Бұл – ел игілігі жолындағы еңбекті жалғастыруға берілген жоғары баға.