М.Х. Дулати атындағы Тараз университетінің Ғылым және коммерцияландыру департаментіне қарасты «Дулатитану және өңір тарихы» ғылыми-зерттеу орталығының ұйымдастыруымен «М.Х. Дулатидың еңбектері – түркі тілдес халықтардың ортақ мұрасы» атты халықаралық ғылыми-тәжірибелік конференция өтті.

Іс-шара Дулати ескерткіші алдына гүл шоқтарын қою және ұлы тұлғаға тағзым жасаудан басталды. Салтанатты рәсімге университеттің Басқарма мүшесі – Ректор Мұхтар Қазбекұлы Байжұманов қатысып, Дулати мұрасының ұлт тарихындағы маңыздылығын атап өтті.

Ашылу салтанатында университеттің Басқарма мүшесі – ғылым және цифрландыру жөніндегі проректор Сейтжан Әуесжанұлы Орынбаев қатысушыларды құттықтап, конференцияның ғылыми және мәдени маңыздылығына тоқталды.

Конференция жұмысына Түркия, Өзбекстан және Қырғызстан мемлекеттерінің белгілі тарихшылары, сондай-ақ Қазақстанның жетекші жоғары оқу орындарының профессор-оқытушылары онлайн және офлайн форматтарда қатысып, М.Х. Дулатидың еңбектерін түркі өркениетінің ортақ мұрасы ретінде талқылады.

Іс-шара қорытындысында қатысушыларға алғыс хаттар табысталып, ұйымдастырушылар конференцияның алдағы уақытта дәстүрлі түрде жалғасатынын, сондай-ақ Дулатидың ғылыми мұрасын тереңінен зерттеу бағытында жұмыстар жалғасын табатынын атап өтті.