2025 жылғы 17 желтоқсан күні сағат 11:00-де Тараз қаласындағы Көркемсурет галереясында «2025 – Кітап оқу жылы» аясында жүзеге асырылған «Әулиеата – кітап оқитын өңір» жобасының салтанатты қорытынды кеші өтеді.

Аталмыш шараның басты мақсаты – өңірдегі оқу мәдениетін көтеру, кітапқа деген қызығушылықты арттыру және жыл бойы атқарылған ауқымды жұмыстарды саралап, белсенді оқырмандар мен жобаға үлес қосқан тұлғаларды марапаттау.

Іс-шараның құрметті қонағы ретінде белгілі ғалым, “Дулатитану және өңір тарихы”ғылыми-зертеу орталығының бас ғыоыми қызметкері ,филология ғылымдарының докторы, профессор Сәмен Оразғалиұлы Құлбарак қатысады. Кеш барысында өңірдің зиялы қауым өкілдері, кітапхана ісінің мамандары және жас оқырмандар бас қоспақ.

Бағдарламада:

* «Әулиеата – кітап оқитын өңір» жобасының жылдық есебі мен жетістіктері;

* Кітап оқуды насихаттауға атсалысқан азаматтарды марапаттау рәсімі;

* Тақырыптық кітап көрмесі және мәдени бағдарлама.

Жамбыл облысы – ежелден білім мен мәдениеттің ордасы. «Кітап оқу жылы» аясында ұйымдастырылған бұл жоба өңір тұрғындарының рухани әлемін байытуға және кітапханалардың рөлін нығайтуға үлкен септігін тигізді.

Өткізілетін орны: Тараз қаласы, Көркемсурет галереясы.

Басталуы: 11:00.