19 қыркүйек күні Жамбыл облысының мемлекеттік архиві Қазақстан Республикасының Ұлттық архиві «Архив және болашақ ұрпақ» республикалық жобасы аясында ашық есік күнін М.Х. Дулати атындағы Тараз универсиетінің 6В02211-Тарих білім беру бағдарламасының 2-курс студенттерімен «Жамбыл облысының мемлекеттік архивінің деректері (1920-1950ж.ж.)» атты тақырыпта бірлеседөңгелек үстел форматында өткізді. Студенттер университеттің «Дулатитану және Өңір тарихы» ғылыми зерттеу орталығының директоры т.ғ.к., доцент Ж.М. Сейткулова жетекшілігімен барды.

Іс-шараның мақсаты – қазақ халқының төл тарихы мен тұлғаларға қатысты құнды құжаттарды ұрпақ санасында жаңғырту, ұлттық тарих пен мәдениетке деген қызығушылықты арттыру және жастардың патриоттық сезімін ояту.

Дөңгелек үстел барысында облысқа танымал «Ақ жол» газетінің тілшісі, ардагер Ә. Баққараұлы мен облыстық архивтің бөлім басшысы С.Зейнуллаұлы, университет доценті, т.ғ.к., Ж.М. Сейткулова студенттерге Жамбыл облысының құрылу тарихымен қоса өңірде басшылық жасаған қызметкерлердің өмірі мен жасаған еңбектері,  облыстағы сол уақыттардағы әлеуметтік-экономикалық және мәдени даму үдерісі айтылып,архивтегі фото шежірелер негізімен толықтырылып көрсетілді. Бүгінде баға жетпес тарихи құнды жазба деректер қорын құрайтын 1939-1950 жылдардағы облыста шыққан газет материалдары тізбесімен студенттер танысты.

Жыл сайын еліміздің барлық мемлекеттік архивтерінде өткізілетін Ашық есік күні биылғы жылыМ.Х. Дулати атындағы Тараз универсиетінің 6В02211-Тарих білім беру бағдарламасының 2-курс студенттері үшін танымдық маңызы жағынан зор атаулы күн ретінде өтті.